🍁 Ye Amal Durude Taaj Ka Hai. Izzat Aur Daulat Ka Taaj Yani Durude Taaj. Ye Durude Pak Bhi Bada Hi Mehboob Aur Maqbool Durude Pak Hai, Aur Aksar Ki Wirde Zabaan Aur Hirje Jaan Hai. Is Durude Pak Ki Bhi Be Shumar Barkate Aur Karamate Hai. Lekin Haay Afsos ! Ke Awwal To Hamare Mohalle Ke Imam Hazrat Is Ki Barkate Bayan Karte Nahi. Aur Kabhi Thoda Bahot Kisi Ne Bata Diya To Log Us Par Tawajjoh Nahi Dete. Fir Idhar Udhar Apne Masail Ka Hal Dhundane Ke Liye Maare Maare Firte Hai
🍂 Yaha Is Durude Pak Se Rizq Ki Barkat Ka Ek Amal Share Kar Raha Hu. Agar Kisi Ke Pas Rizq Ka Koi Zariya Hi Na Ho, Ya Dukan To Hai Lekin Us Ke Maal Ki Bikri Hi Nahi Hoti. Subah Se Sham Tak Waqt Waise Hi Guzar Jata Hai Aur Ghar Ke Kharche Tak Ki Rakam Bhi Hath Nahi Aati. Ya Bar Bar Har Jagah Dhakke Khane Ke Bawajud Kahi Job Nahi Milti.. To Ye Amal Ko Aazmaye Aur Is Ki Barkato Se Malamaal Ho Jaye
🌴 Jab Kisi Bhi Haal Tangdasti Dur Na Ho Yaha Tak Ke Izzat Bachana Bhi Mushkil Ho Jaye To Is Amal Ko Is Tarike Se Shuru Kare Ke Awwal To Namaz Ki Har Haal Me Pabandi Kare Aur Rozana 4 Waqt Ki Namaz Ke Bad 7 Bar Durude Taaj Padhe Aur Rozana Isha Ke Bad Pehle 100 Bar Astagfar Padhe Aur Fir Durude Taaj 101 Bar Badi Tawajjoh Aur Dil Ki Gehrai Se Padhe. Bad Amal Is Ka Sawab Allah ke Rasool ﷺ Ki Bargah Me Hadiya Pesh Kare Aur Un Ko Waseela Bana Kar Allah Ki Bargah Me Gidgida Kar Aajizi Ke Sath Dua Kare. Fir Is Amal Ki Jo Karamate Zahir Hona Shuru Hogi, Wo Us Ka Nazara Khud Kare
🔘 Allah Ke Karam Se Is Amal Ki Barkat Ke Rozi Ka Aisa Zariya Paida Ho Jayega Ke Socha Bhi Nahi Hoga
■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...
+91 99795 78644
● ROOHANI ILAJ ki Purani Post Hasil Karne k Liye Is Link Par Visit Kare :
https://faizeroohani.wordpress.com
● ASMA E HUSNA ki Purani Post Hasil Karne k Liye Is Link Par Visit Kare :
http://amaliyatasmaehusna.blogspot.com
No comments:
Post a Comment