● AMALIYAT E RIZQ POST : 18 ●

🍁 Rizk e Gaibi Hasil Karne Ka Ye Ek Bahot Hi Nayab Aur Umdah Amal Hai. Gaib Se Rizk Se Murad Ye Hai Ke Aisi Jagah Se Rizk Hasil Ho Ke Pata Hi Na Chale Ke Kaha Se Aa Raha Hai. Gaib Se Aise Aise Asbab Ban Jate Hai Ke Banda Hairan Reh Jata Hai Ke Na Jane Kis Kis Zariye Se Rizk Us Tak Pahoch Jata Hai. Khas Kar Ke Aaj Kal Ke Mandi Ke Mahoul Jaha Ghar Ka Aur Digar Kharcha Pura Karna Dushwar Hai, Wahi Par Ye Amal Apne Aap Me Ek Be Misal Aur Ba Kamal Chiz Hai

🍁 Tarika Is Amal Ka Ye Hai Ke Astagfar Ki Kasrat, Taqwa Aur Parhezgari, Aur Namaz Ki Ba Jama’at Pabandi Ke Sath Har Islami Mahine Ke Pehle Sunday Ko Ye Amal Shuru Kare Aur Ek Hafte Tak Yani 7 Din Tak Yani Saturday Tak Bataye Tarike Se Har Namaz Ke Bad SURE FATEHA Ki Tilawat Kiya Kare. Amal Ke Wakt Rizk Me Kushadagi Aur Qarze Se Khusali Hasil Karne Ki Niyat Rakhe. In sha Allah Aisi Jagah Se Rizk Ata Hoga Ke Banda Soch Bhi Nahi Sakega. Amal Bas Sirf 7 Din Ke Liye Hi Karna Hai. Us Ke Bad Rozana Har Namaz Ke Bad Sirf 7 Bar Sure Fateha Padha Kare. Fir Jab Dusre Mahine Ka Chand Nazar Aaye To Fir Se Jo Pehle Sunday Aaye Tab Se 7 Din Tak Bataye Tarike Se SURE FATEHA Padhe, Aur 7 Din Ke Bad Har Namaz Ke Bad 7 Bar Padh Liya Kare. Isi Tarah Har Mahine 7 Din Ka Hamesha Ka Is Amal Ka Mamool Bana Le

📿 Is Amal Ki Zindagi Bhar Ki Pabandi Kar Lene Se In sha Allah Itna Rizk Ata Hoga Ke Aane Wali 7 Nasle Khati Rahegi To Kam Nahi Hoga. 👉🏻Khawatin Ye Amal Ghar Baithe Kar Sakti Hai, Aur Is Amal Ko Khawatin Haiz Ki Halat Me Bhi Padh Sakti Hai. Shart Ye Hai Ke Sure Fateha Ko Dua Aur Wazaif Ki Niyat Se Padhe. Quran Ki Tilawat Ki Niyat Se Na Padhe. Padhne Ka Tarika Ye Hai :-

☝🏻 AMAL HAR NAMAZ K BAD PADHNA HAI...

           👇🏻👇🏻👇🏻👇🏻👇🏻

⊙ ☞ SUNDAY KO 70 BAR

⊙ ☞ MONDAY KO 60 BAR

⊙ ☞ TUESDAY KO 50 BAR

⊙ ☞ WEDNESDAY KO 40 BAR

⊙ ☞ THURSDAY KO 30 BAR

⊙ ☞ FRIDAY KO 20 BAR

⊙ ☞ SATURDAY KO 10 BAR

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

https://faizeroohani.wordpress.com

● ASMA E HUSNA ki Purani Post Hasil Karne k Liye Is Link Par Visit Kare :

http://amaliyatasmaehusna.blogspot.com

● AMALIYAT E RIZQ POST : 17 ●

🍁 Agar Kisi Shakhs Ki Rozi Bandh Di Gayi Ho Ya Rozi Me Kisi Tarah Ki Bandis Kar Di Gayi Ho, Chahe Jadu Se Ya Sifli Amal Se Ya Buri Nazar Se. Paisa Aata Ho Lekin Bachta Na Ho To Use Chahiye Ke Har Haal Me Namaz Ki Pabandi Kare Aur Har Namaz Ke Bad 100 Bar Astagfar Padha Kare Aur 90 Din Tak Rozana Bad Namaze Fajar Ye Amal Pabandi Se Padhta Rahe. Ye Amal Rozana 7 Bar Padh Kar Apne Upar Dam Kar Liya Kare Aur Pani Par Dam Kar Ke Piya Kare Aur Sath Me Dam Kiya Hua Pani Apne Ghar Aur Dukan Ki Deewaro Aur Kono Par Chhidak Diya Kare. In Sha Allah Rizq Ki Har Tarah Ki Bandis Se Chutkara Mil Jayega. Amal Ye Hai :-

⊙ ☞ Sure Bani Israil (Para 15) Ki Aayat No 30

⊙ ☞ Sure Fatir (Para 22) Ki Aayat No 2

⊙ ☞ Sure Zaariyat (Para 26) Ki Aayat No 22 Aur 23

⊙ ☞ Sure Wadduha (Para 30) Puri Surah

🍁 Aksar Logo Ko Ye Pareshani Rehti Hai Ke Koun Sa Karobar Ya Job Karu Jo Mere Liye Faydemand Ho Ya Mere Haq Me Behtar Ho. Rozi Ka Mas’ala Aasan Karna Ho To Use Chahiye Ke Ye Amal Shab e Juma Ko Rat Ko 12 Baje Ke Bad Tanhai Me Kare. Pehle Taza Wuzu Kar Ke 2 Raka’at Nafal Namaz Istekhara Ki Niyat Se Padhe. Salam Ferne Ke Bar Ye Amal…

⊙ ☞ Astagfar Ki Tasbih 100 Bar

⊙ ☞ Durude Pak 100 Bar

⊙ ☞ Sure Talaq (Para 28) Ki Aayat No 7 Ka Ye Hissa 100 Bar

وَ مَنۡ قُدِرَ عَلَیۡہِ  رِزْقُہٗ  فَلْیُنۡفِقْ مِمَّاۤ  اٰتٰىہُ اللہُ ؕ لَا یُکَلِّفُ اللہُ  نَفْسًا اِلَّا مَاۤ  اٰتٰىہَا ؕ سَیَجْعَلُ اللہُ  بَعْدَ عُسْرٍ یُّسْرًا ○

⊙ ☞ Durude Pak 100 Bar

Itna Padh Kar Allah Ki Bargah Me Panjetan Ka Waseela Pesh Kar Ke Dua Kare Ke Ya Allah Mujh Par Us Zariye Ko Zaahir Farma De Jis Zariye Se Tune Mere Naseeb Me Rozi Dena Muqarrar Farmaya Hai. In Sha Allah Is Amal Ki Barkat Se Khwab Ke Zariye Pata Chal Jayega Ke Koun Sa Karobar Ya Job Karna Hamare Liye Faydemand Hai. Amal 7 Shab e Juma Tak Kare. Isi Dauran Kisi Bhi Juma Me Jawab Hasil Ho Jayega In Sha Allah

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

https://faizeroohani.wordpress.com

● ASMA E HUSNA ki Purani Post Hasil Karne k Liye Is Link Par Visit Kare :

http://amaliyatasmaehusna.blogspot.com

● AMALIYAT E RIZQ POST : 16 ●

🍁 Agar Kisi Ki Dukan Na Chalti Ho, Dukan Me Fayda Kam Hota Ho To Sure Ra’ad Ki Aayat No 3 Ko Bismillah Shareef Ke Sath Do Alag Alag Kagaz Par Jafran Se Likh Kar Ek Taweez Ko Lamination Karwa Kar Dukan Me Is Tarah Se Lagaye Ke Aate Jate Grahako Ki Nazar Us Par Padti Rahe, Aur Dusre Taweez Ko Mom Jama Kar Ke Jis Galle Me Paise Rakhte Ho Us Galle Me Rakh Diya Jaye. In Sha Allah Dukan Khoob Chal Padegi Aur Grahak Bhi Bahot Aayenge. Lekin Yaad Rahe ! In Dono Taweez Me Se Agar Ek Bhi Gum Ho Gaya To Is Ka Asar Khatm Ho Jayega. Ye Dono Taweez Ek Dusre Se Jude Hue Hai

🍁 Agar Koi Chahe Ke Us Ke Rizq Me Kabhi Kisi Tarah Ki Tangi Na Aaye, Hamesha Use Us Ki Zarurat Ka Rizq Bina Kisi Rukawat Ke Aasani Se Milta Rahe To Use Chahiye Ke Wo Namaz Ki Har Haal Me Pabandi Kare Aur Rozana Bad Namaze Fajar Sure Shura Ki Aayat No 19 Ko 70 Bar Padh Liya Kare Aur Dua Kare. Awwal Aakhir 11 Bar Durude Pak Padhe. In Sha Allah Us Ki Zarurat Ke Rizq Me Kabhi Tangi Nahi Aayegi. Aayat Ye Hai :-

اَللہُ  لَطِیْفٌۢ  بِعِبَادِہٖ  یَرْزُقُ مَنْ یَّشَآءُ ۚ وَ ہُوَ الْقَوِیُّ  العَزِیْزُ ○

🍁 Waise To Pura Qurane Pak Ne’amato Aur Rehmato Se Bhara Hua Hai. Lekin Sure Kausar Me Kuch Khas Barkate Hai. Jo Koi Chahe Ke Us Ki Rozi Me Be Panah Aur Be Shumar Barkate Ho. Us Ka Ghar Hamesha Hara Bhara Rahe. Us Ki Rozi Kabhi Tang Na Ho To Ye Amal Us Ke Liye Ek Nayab Aur Anmol Tohfa Hai Jo Apne Aap Me Ek Ajeeb Aur Hairat Angez Taseer Rakhta Hai. Us Bande Ko Chahiye Ke Rozana Sure Kausar Ko 726 Bar Pabandi Se Padh Liya Kare Aur Dua Kare. In Sha Allah Kabhi Use Rizq Ki Kisi Kism Ki Koi Pareshani Nahi Hogi

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

https://faizeroohani.wordpress.com

● ASMA E HUSNA ki Purani Post Hasil Karne k Liye Is Link Par Visit Kare :

http://amaliyatasmaehusna.blogspot.com

● AMALIYAT E RIZQ POST : 15 ●

🍁 Sure Yaseen Ka Mubeen Dar Mubeen Amal Har Maksad Ke Liye Mufeed Hai. Us Amal Ka Rizq Ke Talluk Se Jo Tarika e Khas Hai Wo Yaha Likh Raha Hu. Tarika Us Amal Ka Ye Hai Ke Rozana Ek Wakt Muqarrar Kar Ke Sure Yaseen Ki Tilawat Shuru Kare. Jab Pehli Mubeen Aaye Tab Ruk Kar 3 Bar Sure Muzzammil Padhe. Fir Dobara Pehle Se Sure Yaseen Padhna Shuru Kare. Ab Ki Bar Dusri Mubeen Par Ruk Kar 3 Bar Sure Muzzammil Padhe. Fir Wapas Se Pehle Se Sure Yaseen Padhna Shuru Kare. Ab Ki Bar Teesari Mubeen Par Sure Muzzammil 3 Bar Padhe Aur Sure Yaseen Ko Fir Se Pehle Se Padhna Shuru Kare. Isi Tarah Sure Yaseen Me Kul 7 Mubeen Hai. Har Bar Aage Badhte Hue Ek Ek Mubeen Par Ruk Kar 3 Bar Sure Muzzammil Ki Tilawat Kare. Aakhir Me Sure Yaseen Mukammal Kar Ke Behtarin Aur Barkat Wale Rizq Ki Dua Kare. Awwal Aakhir 11 Bar Durude Pak Padhe. Amal Ko 90 Din Tak Jari Rakhe. In Sha Allah Itna Rizq Aane Lagega Ke Sambhalna Mushkil Ho Jayega 

 

🍁 Agar Koi Chahe Ke Us Ka Karobar Khoob Tarakki Hasil Kare. Us Ka Maal Aate Hi Bik Jaya Kare To Use Chahiye Ke Apni Dukan Ya Karobar Ki Jagah Khol Kar Fauran Ye Amal Kare. Yani Dukan Khol Kar Pehle Amal Padhe, Fir Us Ke Bad Apna Kam Kaj Shuru Kare. Amal Ye Hai Ke Dukan Kholte Hi Sab Se Pehle Awwal Aakhir 3 Bar Durude Pak Ke Sath 11 Bar Sure Fateha Padh Kar Dukan Ke Charo Kono Me Dam Kar Diya Kare. In Sha Allah Is Amal Ki Pabandi Se Kuch Hi Dino Me Kam Kaj Me Tarakki Aur Farakhi Nazar Aane Lagegi 

 

🍁 Agar Kisi Shakhs Ka Koi Khas Kism Ka Maal Fans Gaya Ho, Kisi Bhi Haal Me Bikne Ka Naam Na Leta Ho, Koi Grahak Wo Maal Hath Me Na Pakadta Ho To Use Chahiye Ke Sure Tauba Ki Aayat No 111 Ko Arq e Gulab Aur Jafran Ki Syahi Se Kagaz Par Likhe Aur Fir Apne Us Na Bikne Wale Maal Me Le Ja Kar Rakh De. Kuch Alag Alag Kagaz Par Ye Aayat Likh Kr Us Na Bikne Wale Maal Me Alag Alag Jagah Par Rakh De To In Sha Allah Is Aayat Ki Barkat Se Wo Maal Bikna Shuru Ho Jayega 

 

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

https://faizeroohani.wordpress.com

● ASMA E HUSNA ki Purani Post Hasil Karne k Liye Is Link Par Visit Kare :

http://amaliyatasmaehusna.blogspot.com

 

● AMALIYAT E RIZQ POST : 14 ●

🍁 Rizq Me Wus’at Aur Barkat Ke Liye Ye Amal Ek Karamat Se Kam Nahi Hai. Ba Sharte Ke Kamil Yakeen Ke Sath Kiya Jaye. Tarika Is Amal Ka Ye Hai Ke Is Amal Ko Juma Ke Din Se Shuru Kare Aur 41 Din Tak Ya Behtar Hai Ke 90 Din Tak Mukammal Kare. Amal Yu Padhe Ke Rozana Pehle Sahi Talaffuz Aur Makharij Ke Sath 41 Bar Sure Juma Padhe Aur Fir Ye Dua 13 Bar Padhe. Us Ke Bad Panjetan Pak Ka Waseela Pesh Kar Ke Dua Mange. Amal Ke Dauran Namaz Ki Pabandi Rakhe Aur Badbudaar Chizo Ko Na Khaye. Taqwa Aur Parhezgari Ka Ehtemam Kare. Awwal Aakhir 11 Bar Durude Pak Padhe. In Sha Allah Futuhaat Ki Is Qadar Kasrat Hogi Ke Banda Hairan Reh Jayega. Wo Dua Ye Hai :-

اَللّٰھُمَّ یَا مُفَتِّحُ فَتِّحْ یَا مُسَبِّبُ سَبِّبْ یَا مُفَرِّجُ  فَرِّجْ  یَا 

مُسَھِّلُ سَھِّلْ وَ یَا مُیَسِّرُ یَسِّرْ وَ یَا مُدَبِّرُ دَبِّرْ وَ یَا  

مُتَمِّمُ تَمِّمْ وَ حَسْبُنَا اللہُ وَ نِعْمَ الْوَکِیْلُ ○

🍁 Har Tarah Ki Mohtaji Se Hifazat Aur Rizq Me Be Panah Izafe Ke Liye Rozana Isha Ke Bad Sure Maaoon (Para 30) Padhb Kar Dua Kare. Awwal Aakhir 11 Bar Durude Pak. Allah Ta’ala Apne Fazl O Karam Se Us Ke Rizq Aur Maal Me Bahot Zyada Wusa’at Farmayega Aur Us Ki Aulad Kabhi Kisi Ki Mohtaj Nahi Rahegi, In Sha Allah

🍁 Agar Koi Shakhs Par Rizq Ka Koi Zariya Na Ho, Har Taraf Ke Qarze Me Dooba Hua Ho To Use Chahiye Ke Astagfar Bahot Bahot Bahot Zyada Padha Kare Aur Rozana Bad Namaze Fajar Sure Qadar 112 Bar Padh Liya Kare. Allah Ta;Ala Us Ki Rozi Aisi Jagah Se Pahocha Dega Jaha Us Ka Gumaan Bhi Na Hoga

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

https://faizeroohani.wordpress.com

● ASMA E HUSNA ki Purani Post Hasil Karne k Liye Is Link Par Visit Kare :

http://amaliyatasmaehusna.blogspot.com

● AMALIYAT E RIZQ POST : 13 ●

🍁 Fakaro Faka Ke Dafa’a Karne Aur Rizq Me Izafe Ka Wazeefa Irshad Farmate Hue Hazrat Imam Jafar Sadiq رضی اللہ عنہ Farmate Hai Ke Jo Koi Shakhs Har Shab e Juma Ko Sure Shu’ara, Sure Namal Aur Sure Qasas – In Tino Surato Ko Padh Liya Karega, To Duniya Me Use Kabhi Fakaro Faka Laahiq Nahi Hoga Aur Agar Padhne Wala Momin Hai Aur Khatema Bil Khair Hoga To Aakherat Me Bhi Itna Diya Jayega Ke Wo Har Tarah Se Razi Aur Khush Haal Rahega

🍁 Beshak Allah Ne Apne Mehbub ﷺ Ki Ummat Ke Liye Apne Pyare Habeeb ﷺ Par Qurane Pak Nazil Farma Kar Ahle Ummat Par Bahot Bada Ehsan Kiya Hai. Apni Muqaddas Kitab Me Rabbe Kaenat Ne Har Pareshani Ka Hal Rakha Hai. Allah Ke Rasool ﷺ Ne Irshad Farmaya Ke Jo Shakhs Rozana Rat Me Sure Waqeya Ki Tilawat Kar Liya Kare To Use Zindagi Ke Kisi Bhi Mod Par Fakaro Faka Ki Noubat Nahi Aayegi. Neez Ba Kaydagi Ke Sath Padhne Wala Shakhs Duniya Ki Har Sakhti Aur Aafat o Bala Se Bacha Rahega, In Sha Allah

🍁 Apne Maal o Mata’a Me Khair o Barkat Ke Liye Ye Ek Bahot Hi Mujarrab Dua Hai. Jo Koi Shakhs Har Juma Ko Bila Naga Ye Dua 70 Bar Pabandi Se Padh Liya Karega, To Allah Ta’ala Apne Fazl Se Us Ko Duniya Ke Tamam Logo Se Be Niyaz Farma Dega. Dua Ye Hai :-

بسم اللہ الرحمٰن الرحیم ط یَا مُفِیْدُ یَا غَفُورُ یَا وَدُوْدُ 

اَغْنِنِیْنِیْ بِحَلَالِکَ عَنْ حَرَامِکَ وَ بَطَا عَطِکَ وَ بِفَضْلِکَ 

عَمَّنْ سِوَاکَ بِرَحْمَتِکَ یَا اَرْحَمَ الرَّاحِمِیْنَ ○

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

https://faizeroohani.wordpress.com

● ASMA E HUSNA ki Purani Post Hasil Karne k Liye Is Link Par Visit Kare :

http://amaliyatasmaehusna.blogspot.com

● AMALIYATE RIZQ POST : 12 ●

🍁 Apne Rizq Me Be Inteha Wusa’at Ke Liye Sure Yaseen Ka Ye Chilla Bhi Behad Zabardast Amal Hai. Ye Amal Bhi Mukammal Parhez Ke Sath Hai, Balke Sirf Besan Ki Roti Hi Doodh Ke Sath Khaye. Is Ke Alawa Kuch Nahi Kha Sakte. Amal Ka Tarika Ye Hai Ke 40 Din Tak Ek Tanha Kamre Me Aitekaf Ki Niyat Se Apne Aap Ko Band Kar Le. Na Kisi Se Milna Julna, Na Bahar Jana Aur Na Kisi Se Gair Zaruri Koi Baat Chit. 41 Din Tak Rozana Chirag Raushan Kar Ke 41 Bar Sure Yaseen Rozi Me Barkat Ki Niyat Se Padhe. Amal Mukammal Hone Ke Bad Rozana Ek Time Fix Kr Ke 5 Ya 7 Bar Sure Yaseen Padh Liya Kare. Aisi Jagah Se Rizq Hath Me Aayega Ke Banda Sochta Reh Jayega. In Sha Allah Mitti Me Hath Dalega To Sona Ban Jayega

🍁 Apni Income Me Gair Mamooli Izafa Karne Ke Liye Ye Zikr Bhi Bahot Hi Mufeed Aur Ajeeb Taseer Rakhne Wala Amal Hai. Awwal Aakhir 11 Bar Durude Pak Ke Sath Ye Zikr Rozana 1100 Bar Isha Ke Bad Padha Kare. Allah Ke Karam Se Income Ka Silsila Aisa Shuru Hoga Ke Sambhalna Mushkil Ho Jayega. Amal Kam Se Kam 90 Din Tak Pabandi Ke Sath Kare. 90 Din K Bad Rozana 500 Bar Hamesha Ke Liye Padhte Raha Kare. Amal Behad Mujarrab Hai. Zikr Ye Hai :-

اَللّٰہُ لَا اِلٰہَ اِلَّا اَنْتَ سُبْحٰنَکَ اِنِّیْ کُنْتُ مِنَ الظَّالِمِیْنَ 

صَلَّی اللہُ عَلٰی حَبِبِیْکَ مُحَمَّدٍ وَّ اٰلِہٖ وَسَلَّمَ ○

🍁 Allama Aabid Askari Damat Barkatahum Farmate Hai Ke Allah Ke Rasool ﷺ Ne Farmaya Ke Rizq Ki Kushadagi Ke Liye Jo Koi Shakhs Sura e Kahaf Likh Kar Ya Kisi Se Likhwa Kar Fir Kaanch Ke Aise Bartan Me Rakhe Jis Ka Muh Tang Yani Chhota Ho, Aur Us Bartan Ko Apne Ghar Me Unchi Aur Ehteram Wali Jagah Par Rakhe To In Sha Allah Us Ke Ghar Me Rehne Wale Tamam Logo Ki Rozi Kushada Hogi. Mujarrab Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

https://faizeroohani.wordpress.com

● ASMA E HUSNA ki Purani Post Hasil Karne k Liye Is Link Par Visit Kare :

http://amaliyatasmaehusna.blogspot.com

● AMALIYATE RIZQ POST : 11 ●

🍁 Rizq Me Be Inteha Barkat Ke Liye Bismillah Shareef Ka Ye Amal Hairat Angez Taseer Rakhta Hai. Amal Ka Tarika Ye Hai Ke (بسم اللہ الرحمٰن الرحیم) Ko Kul 3 Lakh Bar Padha Jaye. Is Tarah Se Ke Rozana Ke Liye Ek Tadad Fix Kar Ke Usi Tadad Me Rozana Padha Jaye. In Sha Allah 3 Lakh Ki Tadad Mukammal Hote Hote Rizq Me Hairan Kun Izafa Ho Jayega. Insan Ko Allah Ke Fazl Se Aisi Jagah Se Rizq Milega Ke Jaha Se Us Ko Gumaan Bhi Na Hoga

🍁 Daste Ghaib Ka Ye Amal Aisa Hai Ke Jis Ki Tareef Karne Ke Liye Alfaz Nahi Hai. Beshak Allah Ta’ala Har Chiz Par Qadir Hai. Allah Ta’ala Ke Muqaddas Asma e Husna Ka Ye Amal Behad Zabardast Taseer Rakhta Hai. Lekin Ye Amal Mukammal Parhez Ke Sath Chille Ki Tamam Sharait Ke Sath Ada Karna Hai. Bina Parhez Ke Ye Amal Aisa Hai Jaise Bina Petrol Ke Gaadi. Behtar Hai Ke Kisi Roohani Ustad Ki Rehnumai Ke Sath Un Ki Nigarani Me Amal Kiya Jaye. Tarika Is Amal Ka Ye Hai Ke Rozana Isha Ke Bad Chille Ki Tamam Sharait Ke Sath Aankhe Band Kr Ke Tawajjoh Ke Sath Ye Zikr 1100 Bar Padhe. Awwal Aakhir Durude Pak 11 Bar. Amal Kul 41 Din Tak Karna Hai. Us Ke Bad Rozana 11 Tasbih Ka Zikr Jari Rakhe. Lekin Ab Parhez Ki Zarurat Nahi. Bas Zikr Jari Rakhna Hai. Is Dauran Halal Rizq Ki Talash Kare. In Sha Allah Kahi Na Kahi Se Kisi Na Kis Tarike Se Raah Chalte Bhi Rizq Ka Bandobast Ho Jayega. Ya To Kaam Mil Jaya Karega Ya Dukan Me Koi Aisa Grahak Aa Jayega Ke Pure Din Ka Rizq De Kar Chala Jayega Ya Fir Kisi Aur Tarike Se Koi Aa Kar Zarurat Ki Rakam De Jaya Karega In Sha Allah. Amal Ka Zikr Ye Hai :-

یَا قَادِرُ یَا قَوِیُّ روزی حاضر کر۔۔۔

🍁 Rizq Me Be Inteha Barkat Ke Liye Sure Yaseen Ki Tilawat Bhi Bahot Mufeed Hai. Rizq Me Barkat Aur Izafe Ki Niyat Se 41 Din Tak Rozana Sure Yaseen 11 Bar Padhe. Us Ke Bad Isi Niyat Se Rozana 5 Bar Padhne Ka Hamesha Ka Apna Mamool Banaye. In Sha Allah Kabhi Faka Kashi Ki Noubat Nahi Aayegi

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

https://faizeroohani.wordpress.com

● ASMA E HUSNA ki Purani Post Hasil Karne k Liye Is Link Par Visit Kare :

http://amaliyatasmaehusna.blogspot.com

● AMALIYATE RIZQ POST : 10 ●

🍁 Agar Koi Chahe Ke Wo Ek Saal Me Hi Bahot Ameer Aur Maaldar Ho Jaye To Wo Namaz Ki Pabandi Kare Aur Bad Namaze Fajar Aisi Jagah Jaye Jaha Se Suraj Tuloo Hota Hua Saaf Nazar Aaye. Tuloo Aftab Ke Wakt Suraj Ki Taraf Rukh Kar Ke Khada Rahe Aur Jaise Hi Suraj Ki Kiran Nikalti Nazar Aaye To Apna Amal Shuru Kare. Pehle 300 Bar Bismillah Shareef Padhe Aur Fir 300 Bar Durude Pak Jo Yaad Ho Wo Padhe. Bila Naga Pabandi Se Kare To In Sha Allah Ek Saal Ke Andar Andar Ameer Aur Maaldar Ban Jayega

🍁 Gaib Se Rizq Hasil Karne Ka Ye Ek Be Misal Aur Aasan Amal Hai. Awwal Aakhir 11 Bar Durude Pak Ke Sath Ye Dua Rozana Fajar Aur Isha Ke Bad 300 Bar Padh Liya Kare Aur Dua Kare. Neez Agar Koi Gaib Ki Baat Ya Kisi Baat Ka Istekhara Karna Ho To Ye Hi Amal Rat Ko Sote Wkt 300 Bar Padh Kr Dua Kar Ke So Jaye. In Sha Allah Poshida Mamlat Nazar Aa Jayenge. Dua Ye Hai :-

○ بِسْمِ اللّٰہِ الرَّحْمٰنِ الرَّحِیْمِ یَا فَتَّاحُ یَا وَھَّابُ یَا وَدُوْدُ 

🍁 Imdade Gaibi Aur Taskheer Khalaiq Aur Rizq Ke Liye Awwal Aakhir 11 Bar Durude Pak Ke Sath Rozana Isha Ke Bad 3333 Bar Ye Isme Pak (اَللہُ الصَّمَدُ) Padhe. Lagatar 41 Din Tak Ek Hi Jagah Par Baith Kar Amal Kare Aur Bad Amal Dua Kare. Is Amal Ki Barkat Se Allah Ke Hukm Se Rizq Aur Izzat Me Bahot Ezafa Hoga. Aazmuda Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

https://faizeroohani.wordpress.com

● ASMA E HUSNA ki Purani Post Hasil Karne k Liye Is Link Par Visit Kare :

http://amaliyatasmaehusna.blogspot.com

● AMALIYATE RIZQ POST : 9 ●

🍁 Isme Pak (یَا وَھَّابُ) Rizq Ki Tangi Dur Krne Ke Liye Behad Mufeed Hai. Is Ka Amal Kam Se Kam 40 Din Hai. Rozana Bad Namaze Isha Ye Isme Pak Rizq Ki Tarakki Ke Liye Ek Jagah Baith Kar 1 Ghante Tak Aankh Band Kr K Bina Ginti Ke Padhte Rahe. Awwal Aakhir 11 Bar Durude Pak Padhe Aur Aakhir Me Behtar Rizq Ki Dua Kare. Amal Ke Dauran Mukammal Khamoshi Ikhteyar Kare, Padhai Ke Dauran Hargiz Kisi Se Bat Chit Na Kare. 40 Din Ke Amal Me Har Tarah Ke Ghosht Se Parhez Rakhe. Aazmooda Hai. In Sha Allah Amal Karne Wale Ki Soch Se Zyada Fayda Hasil Hoga

🍁 Agar Koi Shakhs Chahe Ke Use Gaib Se Rizq Ata Ho To Use Chahiye Ke Allah Se Apne Gunaho Ki Tauba Kare. Namaz Ki Pabandi Kare Aur Is Amal Ko Pure Yakeen Se Amal Me Laye. Rozana Fajar Ki Namaz Me Sunnat Aur Farz Ke Darmiyan “SURE HUMAZAH” (Para 30) Ko 41 Bar Padhe. Amal Lagatar 90 Din Tak Ya Kam Se Kam 40 Din Tak Kare. 40 Din Ke Amal Ke Bad Us Ka Rozk Gaib Se Aana Shuru Ho Jayega In Sha Allah

🍁 Baraye Rizq Aur Gaibi Imdad Ke Ye Amal Apne Aap Me Ek La Jawab Taseer Rakhta Hai. Namaz Ki Har Haal Me Pabandi Kare Aur Namaze Tahajjud, Namaze Fajar Aur Namaze Isha Ke Bad Ye Isme Pak (یَا مُغْنِیْ) Bina Ginti Ke Kam Se Kam 20 Mnt Tak Padhe Aur Fir Sajde Me Ja Kar Allah Se Dua Kare. In Sha Allah Be Shumar Daulat Ata Hogi

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

https://faizeroohani.wordpress.com

● ASMA E HUSNA ki Purani Post Hasil Karne k Liye Is Link Par Visit Kare :

http://amaliyatasmaehusna.blogspot.com