🍁 Ye Amal Ek Amal Nahi Balke Ek Totka Hai. Wo Ye Hai Ke Jab Bhi Baalo Me Kanghi Kiya Kare Tab Sure Alam Nashrah (Para 30) Padha Kare. Kam Se Kam 3 Bar Zarur Padhe. Us Se Zyada Jitni Bar Padh Sake. Din Me Kam Se Kam 3 Bar Zarur Amal Kare. In Sha Allah Kuch Hi Dino Me Mehsus Karenge Ke Lamha Ba Lamha Rozi Me Barkat Ho Rahi Hai Aur Ghar Me Bhi Khair o Barkat Me Izafa Ho Raha Hai
🍁 Rizq Me Izafa Karne Ka Ye Amal Bahot Hi Zabardast Aur Nayab Amal Hai. Is Amal Ke Liye Namaz Ki Pabandi Har Haal Me Zaruri Hai. Is Amal Ko Islami Naye Mahine Ka Chand Ho Jane Ke Bad Pehli Jumerat Se Shuru Kare. Is Tarah Se Ke Bad Namaze Fajar Sure Nasr (Para 30) 21 Bar Padhe. Zohar Ke Bad 22 Bar, Asar Ke Bad 23 Bar, Magrib Ke Bad 24 Bar Aur Isha Ke Bad 25 Bar Padhe. Jis Namaz Me Jitni Bar Sure Nasr Padhe, To Awwal Aakhir Durude Pak Bhi Utni Hi Bar Padhe. Yani Fajar Ke Bad Sure Nasr 21 Bar Padhni Hai To Awwal Aakhir Durude Pak Bhi 21 Bar Padhna Hai. In Sha Allah Kuch Din Ki Pabandi Se Hi Rizq Me Zabardast Asar Zahir Hoga Aur Aamdani Bhi Badhegi
🍁 Aisa Shakhs Jo Rozgar Ki Talash Me Ho, Kisi Tarah Ka Koi Kaam Dhanda Na Ho Us Ke Liye Ye Amal Ek Be Misal Chiz Hai. Namaz Ki Pabandi Har Haal Me Rakhe Aur Har Namaz Ke Bad Awwal Aakhir 100 Bar Durude Pak Ke Sath Ye Isme Pak (یا رزاق یا واسع) 360 Bar Pabandi Se Padha Kare. In Sha Allah Rozgar Mil Jayega
■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...
+91 99795 78644
● ROOHANI ILAJ ki Purani Post Hasil Karne k Liye Is Link Par Visit Kare :
https://faizeroohani.wordpress.com
● ASMA E HUSNA ki Purani Post Hasil Karne k Liye Is Link Par Visit Kare :
http://amaliyatasmaehusna.blogspot.com
No comments:
Post a Comment